又愛又恨的廣告大帝

thumbnail

拍廣告,有一個大帝,真係令我哋又愛又恨。

愛,係因為有咗佢,可以令成條廣告朝氣勃勃、增色不少。恨,係因為佢成日神出鬼没,需要佢嗰陣佢硬係要匿埋,唔需要佢嗰陣佢就出嚟搞搞震搞破壞。

試過有次拍廣告,有位一線歌手參演,個期就只係得一日,冇得改。但呢位大帝,連新紮天王都唔畀面,一朝早就玩失踪,結果唯有改Rundown跳拍其他部份,真係少啲機動性都完成唔到任務。

我講緊嘅大帝,相信大家都估到,就係「陽光」嘞。

而家啲器材咁勁,靠打燈、靠後期,當然都營造到陽光普照、Flare 四散效果;但偷天換日,花嘅係時間,雨水就更加難以抹走。有得真,何必造假?

對防曬產品廣告嚟講,喺真陽光下拍攝除咗令成件事更Authentic之外,仲有個好處:可以叫成隊Crew一齊試用佢哋嘅產品。

「Crew又唔係明星,畀佢哋試用又有乜用?」

若果你咁諗,就忽視咗真實用家嘅口碑傳播能力。好似Bioré 呢齣廣告嘅導演就同我哋講,拍攝當日陽光刺毒,好彩演員同Crew都搽咗Bioré UV Athlizm,佢極防水、持久耐汗擦,令團隊曬足全日都冇被曬傷。因為咁,佢已經將呢款防曬好物推介咗畀其他行家啦!

Leave a Reply

Your email address will not be published. Required fields are marked *

Back To Top
Copy link