韓國天團防彈少年團BTS近嚟紅到發紫，連麥當勞都聞風「變色」，變咗紫色。 McDonald’s 聯乘BTS全球推出 The BTS Meal，6月3號登陸香港，同日起配合BTS巴士巡遊港九，將K-pop男團霸主的專屬「味」力，帶到全城熱點。 但唔好以為有巨星代言，就唔需要好嘅理念。 今次BTS計劃，跟去年美國麥當勞同饒舌歌手Travis Scott合作，賣到一度斷市的足三両漢堡一樣，都屬於「Famous Orders」系列。背後理念係，無論你有幾紅，梗有一款麥當勞套餐啱你口味。 而全新The BTS Meal包含嘅九件麥樂雞、中薯條同中汽水套餐，亦真係BTS成員平日嘅最愛餐單。 專題套餐更加入全新「蒜辣蛋黃醬」同「韓式甜辣醬」，就像BTS歌舞一樣，刺激創新。 呢次全球BTS campaign係名副其實嘅聲勢浩大，足足涵蓋全球49個地區。除咗有勢，仲夠晒徹底。 唔單止The BTS Meal嘅麥樂雞盒、汽水杯同紙袋都採用紫色配襯BTS Logo花紋，連BTS門形logo都由薯條組成。 你以為只係咁簡單？唔止，麥當勞 App 仲會一連幾星期發佈「BTS 360 Backstage 花絮」、「型爆相簿」同「e-閃卡 」，只要玩簡單遊戲，即可解鎖睇到更多花絮。 做到咁global、咁多細節、咁互動，確係influencer marketing嘅一大突破。 由即日起，麥當勞App用戶可憑電子優惠券購買The BTS Meal，即享減$3優惠，同時再用PayMe付款限時獨家優惠，買滿$30，即享9折，盡享慳上慳優惠。優惠可以無限次使用，畀你麥麥Pay，麥麥慳！
姜濤全新演繹McDonald’s 經典巨無霸急口令 新推煙肉巨無霸
哥哥、梅姐等深得香港民心的藝人，花名有如家人親暱，而且一隻字就足以反映性情，例如張國榮的caring、梅豔芳的氣派。一個好暱稱，唔單止性格要夠突出，仲要為大眾認許，得來不易。 唔少人認識姜濤，都由姜B 開始。薈聚廣東話精髓的B字有種鄰家男孩的青澀，有活力，有氣魄。 為宣傳全新煙肉Big Mac，McDonald’s大玩姜B花名，B for Bacon，一句到位將品牌同姜濤活力掛鉤。 https://www.youtube.com/watch?v=cNnGq9dlVbc 負責人話，姜濤本身鍾意食漢堡包，亦曾經喺麥當勞兼職，同品牌早有淵源。製作團隊特別請來姜濤首本名曲《蒙著嘴說愛你》MV導演袁劍偉合作，推出一套兩款廣告片，另外一條又跳又玩急口令，前日就喺銅鑼灣金百利大電視同步播出，呼應早前fans曾經喺同一個螢幕賀佢得獎。 同場加映仲有姜B「全民急口令」Instagram濾鏡挑戰，大家只需於個人IG平台分享廣告急口令挑戰短片，並標記麥當勞 Instagram（@McDonaldsHK）同指定 Hashtag，即有機會被選中及嬴得姜濤親筆簽名咕𠱸，只限100名。Campaign仲配合AR濾鏡遊戲，掃描 Big Mac 系列飽盒就會見到姜B現身跳舞，一共八款，線上線下都陪你跳住食。 今日去老麥，已經見到姜B 嘅B FOR BACON 放到周圍都係嘞！
做pitch應該去到幾盡？
做pitch唔怕做到盡，最怕做多咗。 要做就做到最好，我明；尤其疫情期間，隔空比稿，多咗層距離，仲多咗啲對手，老細對每個pitch志在必得，要求做得更fine，都明。 但，做pitch做到final product咁，扭盡六壬，若最終都係輸pitch，心血化為烏有，咁都真係幾傷下。 唔想齋present storyboard 咁寡，又唔想做到final product 咁full，想平衡資源投入同成品質素，最近就多咗人用Motion Design砌稿。好處係，度嘅橋可以不被實景所限，更多發揮空間。 喺外國，專門教授Motion Design嘅 Studio已經發展得好成熟，定期集合世界各地嘅Motion Design專才跨地區舉辦workshop。香港喺哩方面嘅資源同人才，仍然有好大增長空間。 當冇工再隱陣，冇嘢係永恆，各行各業都需要增值自己，抵擋市場不斷改變嘅需求。 橋好矜貴，唔好免費。 ———— 動態影像設計學員招募計劃 呢個時勢唔只pitching，連學嘢都係隔空交流，學到幾多全靠自己意志。Feel the Motion推出嘅網上動態影像設計課程，唔單止免費，學員更可獲進修資助金HK$5,000，學識動態影像，pitching就更事半功倍啦。 課程內容：網上動態影像設計課程—包括理論課程、練習和小組培訓 日期：2020年11月至2021年2月 時間：逢星期六共12堂 了解更多：https://www.feelthemotion.tv/tc/application-interested.php
林嘉欣代言純素新餐肉
品牌同名人合作，層次有好多種。 One-off 剪下綵拍下業配片，最為經濟實惠，但名人呢頭幫你轉個頭就幫對手，搶到眼球，對加強品牌與客戶連結未必好大幫助。 財大氣粗，搵巨星的臉貼到產品上硬銷，有時候更會貌合神離。若干年前，一家酒店品牌找來國際球星代言，在金碧輝煌的大堂射十二碼，就令人摸不著頭腦。 好的代言人，其個性、經歷、習慣應與產品同品牌相呼應，先可以加強說服力。 就好像「新餐肉」呢款純素餐肉，最近邀請林嘉欣代言，就是一個竹門對竹門的例子。 嘉欣兩年前開始茹素，起初因為另一半出現三高，後來發現食素後健康顯著改善，漸漸成為素食倡導者。今次合作，就顯得情投意合。 代言人能夠做到人與Product 合一，提供埋個人實證endorsement，過到自己過到人，自然更具說服力。 OmniPork Luncheon新餐肉，純植物製，無添加味精、防腐劑同抗生素，熱量及總脂肪比傳統罐頭午餐肉低 40%和49%，鈉含量更少 62%*。是餐肉的健康取代品，食用零罪感！ *與傳統罐頭裝午餐肉相比（參考資料：美國農業部營養資料庫）
職場力學：勤力的價值
太古坊，HH時段，一群廣告人在吞雲吐霧。 其中一位，一杯gin & tonic還未見底，已經第三支煙。他是某大牌agency的SAE，且叫他Ken。 坐在旁邊的是Joan，剛跳船沒多久的舊同事（slash舊飯腳slash死黨），被迫吸了半小時二手煙，見仲未入戲肉，忍不住問：「咁急call我嚟，又失戀？」 堂堂大男人，有心事就被理解為失戀，相當失禮。但他是Ken。以為他情傷買醉並不出奇。 出名勤力的他，深得老闆歡心，SAE升AM指日可待，甚少因公事發愁。反是他的性格憨直，一頭蠻牛闖情場，次次出事都由Joan出手營救。 但她還是錯了。神色凝重的Ken說準備遞信。 「三年咋喎，咁快走？」Joan 奇怪。 「公司唔重視我，無謂留。」 不對。Ken做三年可抵人家六年工作量，平時埋頭苦幹，不gossip不搞小動作，放棄他的老闆，肯定是傻的。但Joan又肯定，她的舊老闆一點都不傻，還很精明。 「你知我從來唔計較OT，晚晚搭的走都冇問題。點知最近一輪升職，冇我份。」 Joan開始為他抱不平：「唔升你升邊個？」 「Pete咯。咁我都覺得佢值嘅。」Ken故作大方回應。 哦，這下明了。 這位叫Pete的AE入職啱啱一年，就跳級升AM，難怪Ken晴天霹靂。但Joan跟Pete曾共事大半年，對此，她並不奇怪。 疫情社會人人自危，老闆最需要的，不是一頭牛，而是金牛。 平時開會，Pete橋多意見多，只有他，夠膽挑機老闆，覺得唔work必定出聲。比只懂obey不懂debate的Ken，Pete總搵到「捷徑」去抗衡死板工序。 據講馬雲都說過：「想偷懶係好事。」 「懶」人嘅生存之道，就係用最簡單、最快捷的方法達到最佳效果。科技進步一向以此為基礎，所以鑰匙開鎖才會發展成密碼鎖，再進化為指紋、聲控、面部識別。 望一望眼前的Ken，她決定把這一切全盤托出。 「啫係⋯⋯我太勤力？」 「唔係所有嘢都只靠勤力就有用！」 Joan 滿滿自信說：「就好似護膚咁，只要搵啱方法，懶都可以Keep住靚。」 望著Joan的美肌，Ken說：「咁你嘅方法係咩啫？」 「搵reenex咯。@reenex膠原自生 ，首創專利光學技術，深入 500 微米膠原層，自動嗌醒肌底自己生源源不絕嘅膠原BB。簡單嚟講就係唔使靠自己出力，仲可以一次過解決毛孔粗大、細紋、缺水等問題，令皮膚keep住有彈性⋯」 「Stop，你賣夠廣告啦！不如具體啲，你話我剩係一味勤力，咁我應該點做？」Ken說。 望著這雙天真的眼眸，Joan發現她不再需要說些什麼。因為她知道，他不會遞信，更加不會改變。為了等他的努力有所回報，多不甘心，多不開心，他都肯等，等一生都等。 立即發揮至 Effortless 嘅「女子力學」，登記reenex嘅免費體驗膠原自生療程，激發膠原自生能力，只需6次療程，3年都Keep到青春力：http://bit.ly/RFACX0920K
McDonald’s「神」氣之作
明星，要用得其所。 木村大神上月幫日本麥記拍咗一輯廣告，30秒，只哼一首歌，便斬獲三百幾萬views。疫症陰霾下，聽到大神大開金口，親切輕鬆，可能正係日本人需要嘅。 喺香港，能夠做到相同效果嘅，相信只有Eason。 無他，因為佢嘅聲音總令人諗起《我的快樂時代》，喺《人來人往》嘅班房 ，兩個《破壞王》小息一齊《猜情尋》，嗰陣時《我甚麼都沒有》，但依然係《快樂男生》。 Eason嘅歌陪住一代人成長，所以，同木村一樣，台詞唔洗多，完全做自己，盡顯鬼馬本色，不時手舞足蹈，場面搞笑，就好似將快樂傳遞緊畀大家。 木村輕鬆自然；Eason鬼馬搞笑。兩位男神，兩種魅力，透過相似的粉色造型，同時為兩地觀眾打氣。 E神嘅歌，無論你嘅故事係點，總有一首啱你口味；就好似麥當勞優惠，總有一款合您心意。打開麥當勞App，就可以重拾返學生年代買報紙見到一整頁老麥coupon嗰份喜悅。 精彩NG片段： Video Credit: Marketing Magazine
【特約壹句】雙軌入學記
當年我的大學試，還叫做A-Level。 攞住三條C，約莫略高於現在DSE的3322，只得四處奔走，到各專上學院交定留位費。 當時Facebook、Apple才剛起飛，什麼綴學創業當CEO之說還未流行，只知道一紙文憑是通往那條叫成功之路的門票。 時移世易，現在只要你對一件事夠熱誠夠堅持，個個都可以做leader，key opinion leader。甚至有公司的招聘條件是一個有趣的個人內容平台，亮麗成績表只是錦上添花。 就好似呢條動畫嘅創作人東尼電機，當年會考只得8分，讀設計學院同樣讀到成為著名「發明家」，作品隨處可見。證明英雄莫問出處，一時失手沒大不了。 香港大學附屬學院 HKU SPACE CC 推出雙軌入學通，除了即場申請，還提供網上報名系統，由填form、核實文件、繳交報名費到面試，全程網上進行，方便應屆考生足不出戶都一樣可以安心升學。 報名傳送門：https://bit.ly/3h4pDf7
一份工作的意義
「求變」是未來香港人生存的關鍵詞。 當社會不再容許我們像上一代一樣作「生涯規劃」，退休後的40年是否可以靠頭30年賺到的積蓄過日子？ 為供樓、為偶爾食個300蚊起跳的晚飯聚舊，做得唔開心就想走？冇咁易。就好似身邊不少朋友討論移民，卻沒幾個真正動身起行。 你問一份工最緊要甚麼？理想？太崇高。 被社會蹂躪過，很多人只想安穩生活不被侵蝕。 但現在你不找麻煩，麻煩也會來找你。銀行裁員，公職人員凍薪，連最堅固的飯碗也不再是鐵造，香港人被迫求變，卻未嘗不是好事一件。 有art base出身的朋友，六年浮沉，去年底才升到director，以為一帆風順之際遇上疫浪，忽變無業遊民，send過數十次CV都不獲面試。幸好圈內人脈不錯，每個朋友外判他少許projects，也總算可以糊口。誰知業界寒冬下反而有更多freelance jobs湧現，現在索性註冊公司全職做freelance，又是一番新世界。 Freelance又好，slash又好，開拓副業也好， 求變一向是香港人的專長。被迫放年假，可以用來學寫coding；停薪留職，可以報個外語課程。面對大時代來臨，一份job that matters，說的不再只是幾千蚊人工上落，或annual leave多幾日少幾日的問題； 一份job that matters，是一份你願意窮下半生去建立，去掙扎，每一日都樂於求變的career。 JobsDB Hong Kong 也力圖求變，網頁、logo都轉換全新形象，希望帶俾用家的生活多一分色彩：https://bit.ly/尋找JobsThatMatter
百老滙 X Microsoft：Work From Home 傳情攻略
前日，我畀一位女同事表白。 眾所週知，我本身係廣告公司創作部嘅小頭目。嗰晚夜闌人靜，為咗趕present不同team嘅人都喺屋企OT，之前公司購入嘅新一代Windows電腦就大派用場，利用Microsoft 365同步協作功能，我砌Strategy 、文案同美術砌Creative、AS砌Media Plan同報價，夾手夾腳砌份Deck出嚟。 砌砌下，畫面突然緩緩出現一行一筆一劃展現嘅手寫字：「其實一直以來你對我係點？」 我呆咗。 你知啦，辦公室戀情八卦一向係廣告圈內茶餘飯後嘅主菜。雖然呢位女同事二十出頭，好醒目，有啲tech嘢甚至要佢教返轉頭，例如佢用呢個手寫筆跡功能，寫完之後可以喺present嗰陣play back，唔係佢教我我都唔識。 但諗到呢度理智立即返返嚟，乜宜家嘅後生女咁衝動㗎，聽日present你揀哩個時候表白，唔通真係咁情難自禁？ 猶豫咗近兩分鐘唔知點覆，決定扮老正寫返句：「我都好欣賞你做嘢嘅能力呀。」 然後一陣沉默。見佢冇再郁過嗰PowerPoint，唔知係咪講錯嘢，傷咗佢心，立刻加返句：「原來你手字幾靚喎！」 十分鐘後終於收到佢WhatsApp:「Sorry我以為係另一個人砌緊Strategy嗰版⋯」 原來同事們平時係電腦前埋頭苦幹唔係做嘢，係傳情！ 新一代Windows PC配備創新輕觸式熒幕設計，支援直觀嘅手寫編輯；而 Microsoft 365 就支援雲端同步檔案協作，更配備AI「設計構想」功能，用演算法幫你自動剪裁相片、突出相中重點兼套入你揀選嘅版面設計當中，節省排版時間。咁就可以慢慢傳情，唔再怕表錯白、表錯情啦。 即刻去百老滙選購啦：https://aka.ms/AA88yyf
富途全新「FuPower」宣傳企劃 展示革新秒速形象
富途推出以「FuPower」為主題的全新宣傳企劃，一系列線上、戶外及平面廣告將以此主題貫穿，並由全新代言角色「富途先生」主演。